Takimin e rradhës në kuadër të lëvizjes “Foltorja”, ish-kryeministri Sali Berisha e zhvilloi sot në Librazhd.
Ai akuzoi liderin demokrat Lulzim Basha se braktisi premtimet e bëra për të djathtët.
Duke e cilësuar si peng-kryetar, Berisha tha se Basha nuk kishte në axhendë si të fitonte PD, por si të bëhej lider, që nuk u bë dot kurrë.
Berisha tha se Basha i ka kërkuar Ramës t’i hapë derën pas PD-së ku futet në Parlament, se e shajnë njerëzit kur futet nga dera kryesore.
“Kryetari i PD u dëshmua një peng i turpshëm në kjrye të opozitës shqiptare. Ai sot jeton në katër mure, i lutet dhe përshpirtet pengmarrësit të tij, më hap i kishte thënë këto ditë këtë ditë, se po më shajnë njerëzit kur futem nga dera kryesore. Ik, mjeran, jep dorëheqjen, ne jemi parti e dinjitetit njerëzor, part e idealeve më të larta njerëzore, s’ke punë me ti, ik dhe ik sa më shpejt. 8 vite 4 humbje, secila më e hidhur, më e dhimbshme se tjetra. Ju derdhët lumenj gjaku, sakrifikuat çdo gjë për fitoren e PD, kurse ai kishte një agjendë tjetër, jo se si të fitoni ju dhe PD, por si të bëhej ai që nuk mund të ishte kurrë, si të bëhej lider duke u sjellë nëpër Shqipëri, i pashoqëruar nga asnjë prej jush, sepse mendonte se në këtë mënyrë do të barazohej”, tha Berisha.
