Identifikohet i plagosuri në zonën e ish-Bllokut në Tiranë (EMRI)

I plagosuri i të shtënave mbrëmjen e sotme në zonën e ish-Bllokut në Tiranë është identifikuar si Ilir Shkurti, i moshës rreth 32 vjeç.

Ngjarja ndodhi te “Pallatet Agimi” para kafe “Roma”, ku pas një sherri mes disa personave u përdorën edhe armët e zjarrit.

Nga të shtënat i riu ka marrë një plumb në këmbë.

Ai është dërguar në spital dhe mësohet se ndodhet jashtë rrezikut për jetën.

Nuk dihet identiteti i personave të tjerë të përfshirë në konflikt dhe as i autorit të plagosjes.