LIGJET E BIZNESIT
Zbardhen detaje të reja nga arrestimi i drejtorit të shkollës 9-vjeçare në fshatin Stropckë të Pogradecit për pedofili. Adriatik Haxhillari, 59 vjeç, me profesion mësues dhe njëherazi drejtor i shkollës, akuzohet se ka ngacmuar seksualisht dy vajza minorene të kësaj shkolle.
Sipas burimeve bëhet me dije se mesazhet janë parë nga vëllai i njërës prej vajzave e cila i kishte prindërit në Greqi dhe shqetësohej me thirrje nw telefon nw orwn 23:00 të natës. Më pas i vëlllai i ka shkuar te takojë drejtorin dhe e ka goditur. Të nesërmen drejtori e ka thirrur atë për t’i kërkuar ndjesë.
“I ka shkruar çupës në telefon. Cupa i kishte thënë kujdestares së klasës. Kishte folur me ato pastaj e morëm vesh ne këtë gjë. Ne atë ditë nuk e dinim fare, çupën e kishin marrë e kishin ulur poshtë (e kishin çuar në polici).
Ne nuk e dinim pastaj erdhën na thanë që çupa u ul poshtë (Shkoi në komisariatin e Pogradecit). Nuk e di çfarë i shkruante, por llafe turpi. Kishte dy javë që shkruante me çupën. Vajza na tregoi pastaj. Prindërit i ka në Greqi ne kujdesemi për të.
Shkuan bashkë në komisariat me çupën tjetër dhe babain e saj. Dje na thirrën dhe djalin. Ne nuk dalim dot jashtë nga halli i çupës. Shteti e di, ata njerëz që bëjnë këto gjëra, ta varin. Ka 3 ose 4 vjet drejtor në këtë shkollë ndërsa çupa ka 2 vite se ishte në Tiranë.”, tha gjyshja e 14-vjeçares.
