I dehuri shkon në komisariat dhe u kërkon llogari policëve dhe i ofendon pa shkak

Një burrë i dehur është futur në stacionin policor në Shtërpcë, Kosovë.

Policia në Ferizaj ka njoftuar se dje rreth orës 16:20 në Shtërpcë, një person me inicialet D.S i moshës 46 vjeçare, ka tentuar të futet në stacionin policor në Shtërpcë, pa leje të policisë dhe pa ndonjë arsye, duke penguar në kryerje të detyrës dhe ofenduar policin në portën hyrëse të stacionit policor.

Sipas policisë,  personi është arrestuar.

“I njëjti pasi është testuar me alkool test ka rezultuar se ishte i dehur me 2.51 promila. Me vendim të Prokurorit nga Prokuroria Themelore e Ferizajt është dërguar në mbajtje për 48 orë, për procedura tjera hetimore”, është thënë për media.