LIGJET E BIZNESIT
Mesazhi i dërguar nga deputeti i PS Bujar Çela për kolegët e tij në komisionin e sigurisë, ku diktatori Enver Hoxha shfaqej mbi flamurin kombëtar, ka rihapur debatin mbi simbolet e komunizmit në Shqipëri.
Duke folur në emisionin “Open”, Drejtuesja e Institutit për Demokraci Media dhe Kulturë, Jonila Godole iu drejtua sekretarit të Komitetit Qendror të Partisë Komuniste Gjon Bruçi, duke i thënë se nëse Shqipëria do ishte vend normal ai do të ishte në burg për qëndrimet e tij pro diktatorit.
Bruçi tha se borgjezia e lë të lirë sepse kështu e ka nën kontroll dhe i frikësohet një puçi të mundshëm. Nënkryetar i PD Enkelejd Alibeaj e konsideroi si të turpshme faktin që figurave si Bruçi u jepet hapësirë në mediat shqiptare.
DEBATE
Godole: Nëse ky do të ishte një vend normal ju do ishit në burg. Nuk do kishit mundësi të dilnit në TV. Vetë fakti që në mediat tona ftohen persona që duan të rehablitojnë figurën e Enver Hoxhës dhe jo viktima kjo tregon shumë për shoqërinë tonë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Bruçi: Nuk kam frikë se më nxjerr borgjezia jashtë ligjit, megjithëse je vajzë e re dhe nuk e di historinë e Partisë Komunistë. Komunistët veprojnë më shumë në ilgealitet.
Godole: Me atë ilegalitet na sollët gjithë ato të mira.
Bruçi: Borgjezia më të lirë sepse më ka nën kontroll se mund të bëj ndonjë puç.
Godole: Zotëri kurdisni orën dhe…Ky nuk është një shtet normal.
Bruçi: Unë e kam babën dëshmor të Luftës Nacional-Çlirimtare dhe është larë me gjak ajo punë. Nuk i trembem as burgut as vdekjes. Emri i Enver Hoxhës nuk mund të shkulet as nga Alibeaj, as nga mijëra Alibeaj.
Alibeaj: Është e turpshme. Nuk mund të thërrasësh edhe një serial-killer për të folur për muzikën dhe artin.
panorama
