Goditi mbi 60 herë me thik ë rumunin, dënohet përjetë shqiptari

Një shqiptar është dënuar me burg të përjetshëm në Angli. Ai goditi me thikë një rumun për më shumë se 60 herë, duke e lënë të vdekur në vend.

Bëhet fjalë për shtetasin Erlin Hasa, i cili qëlloi pa mëshirë 43-vjeçarin Marian Savu, pasi e ndoqi nga një festë në Perry Barr dhe në fund e vrau në një rrugë.

35-vjeçari mohoi vrasjen e rumunit, babait të tre fëmijëve, por u shpall fajtor nga një trup gjykues në Gjykatë Birmingham. Gjykatësi Francis Laird tha se Hasa do të dënohet si fillim një minimum prej 23 vitesh në burg, përpara se të mund të konsiderohej një mundësi për lirim.

“Ne kurrë nuk do ta dimë saktësisht pse Hasa sulmoi dhe vrau Marian Savu,” tha Det Insp Jim Colclough.