LIGJET E BIZNESIT
Në seancën dëgjimore në KPK, Komisionin e Pavarur të Kualifikimit, gjyqtari i Gjirokastrës, Arben Dosti rrëfeu dhe dha shpjegime më së shumti për historinë e jetës së tij përpara fillimit të detyrës, periudhë në të cilën ai pretendon se së bashku me familjarët ka krijuar dhe kursyer më shumë se 200 mijë euro likuiditete.
Këto shuma Dosti i ka pasqyruar në deklarime, ndërkohë që rezulton se gjatë ushtrimit të detyrës ka pasur pakësim dhe jo shtim të pasurisë. Gjithashtu, Dosti dha shpjegime edhe për konstatimet në kriterin e pastërtisë së figurës dhe atë profesional.
Sipas analizës financiare të KPK, subjekti rivlerësimit justifikon me ‘dokumentacion ligjor” 10.2 milionë lekë nga 46.6 milionë lekë të ardhura të deklaruara.
Ndonëse Drejtoria e Sigurimit të Informacionit të Klasifikuar, DSIK, e ka cilësuar subjektin e rivlerësimit si të papërshtatshëm për të vijuar detyrën, KPK deklaroi se ky përfundim bazohej në informacione të ‘pakonfirmuara’ dhe Komisioni nuk ka gjetur prova për kontakte të papërshtatshem të subjektit me krimin e organizuar.
Gjyqtari e hodhi poshtë raportin e DSIK-së dhe u shpreh i hapur ndaj çdo hetimi për pastërtinë e figurës. Në përfundim të seanës,ai kërkoi konfirmimin në detyrë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
