Familja e kërkonte, 24-vjeçari gjendet i pajetë në humnerë

Një 24-vjeçar nga Kosova ka humbur jetën, pasi ka rënë në një humnerë. Ai u shpall në kërkim pas denoncimit të familjarëve.

I riu me inicialet A.GJ ishte nga Kaçaniku, ndërsa Policia e Prizrenit bën me dije ende nuk dihen shkaqet që çuan në ngjarjen fatale.

“Telefonatën e parë e kishim pranuar në ora 14:35, menjëherë kemi dalë në vendin e ngjarjes.Rreth orës 18:45 e kemi pranuar informacionin nga mjeku kujdestar që ka qenë në vendin e ngjarjes se viktima ishte pa shenja jete”, ka thënë Shaban Osmanollaj, zëdhënës për media në Drejtorinë Rajonale të Policisë në Prizren.