LIGJET E BIZNESIT
Pas urimit që i bëri kolegëve për 28 nëntor me foton e diktatorit Enver Hoxha, ka reaguar deputeti i Partisë Socialiste Bujar Çela.
Ky i fundit e dërgoi imazhin në grupin e “Whatsapp” të Komisionit të Sigurisë.
Ndërkohë në një prononcim për mediat, ai është shprehur se e njeh luftën nacional-çlirimtare dhe udhëheqësin e saj, i cili ishte, sipas tij, Enver Hoxha.
Deputeti thekson gjithashtu se shqiptarët nuk mund ta fshijnë historinë nga kanë ardhur si komb.
Çela thotë se diktatori Enver Hoxha ka kontribut të madh, dhe është bërë padrejtësisht armik.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Unë pres pyetje të tilla. Përderisa unë jam këtu unë i përkas atyre që e njohin luftën dhe mendojnë se figura e Enver Hoxhës nuk mund të quhet nul, ka dhe ai kontribute në luftë, përderisa ne nuk kemi nxjerrë një udhëheqës tjetër që e ka udhëhequr këtë luftë. Po të jetë se ka një udhëheqës tjetër që pretendon se gjyshi stërgjyshi e ka udhëhequr këtë luftë, të shprehet historianët janë aty, letrat janë aty. Shumë herë kemi bërë padrejtësisht armiq dhe kriminela, dhe pastaj kemi reduktuar. Këto fakte janë nga më të ndryshme që nga Balli Kombëtar, Legaliteti, të cilët armiq pastaj janë rreshtuar në kampin fitues mbi nazi-fashistin”,-tha ai.
Çfarë mund t’i thoni deputetëve të tjerë në komision që reaguan?
“Kjo pyetja është brenda atij komisioni, në atë komision ka njerëz që janë njerëz të Isa Toskës, unë nuk jam nip i Enver hoxhës, por jam si të gjithë shqiptarët që nuk mund ta fshijnë historinë nga kemi ardhur ne si komb”,-tha ai.
Kujtojmë se ndryshe nga sa deklaron deputeti Çela, i cili nuk e mohon autorësinë mesazheve, kreu i grupit Socialist Taulant Balla, deklaroi ditën e sotme se deputetit i është vjedhur telefoni dhe se nuk ka qenë ai që i ka dërguar ato mesazhe.
