LIGJET E BIZNESIT
Tema e ditëve të fundit që po diskutohet në vendin tonë në lidhje me pandeminë është bërja e detyrueshme e vaksinimit për të hyrë në bare dhe restorante.
I ftuar në A2 Business me gazetaren Aurora Sulçe, mjeku epidemiolog Ilir Alimehmeti u shpreh se vaksinimi nuk bëhet për të shkuar në kafe, por për të shpëtuar jetë.
Megjithatë, ai ishte skeptik përsa i përket çështjes së vendosjes së pasaportave të vaksinimit duke dhënë shembuj nga jashtë, me vende që kanë kryer më shumë vaksinime sesa Shqipëria, të cilat aktualisht po raportojnë rritje të rasteve të reja.
“Marrja e Green Pass ka çuar në një rritje të lehtë të numrit të vaksinimeve, por që prapë nuk është njësoj si në muajt e parë të daljes së vaksinave, kur mezi i prisnim. Kështu që këto situata i kemi parë në të gjitha vendet e BE. A do të jetë e njëjta gjë në Shqipëri? A do të shërbejë për kontrollin epidemiologjik? Që është dhe pyetja më e madhe e mundshme. Zor, sepse diskutimi i “Green Pass” filloi në dhjetor të 2020, kur të dhënat që kishim për efikasitetin e vaksinës për kontrollin e infeksionit sepse fatmirësisht për format e rënda dhe humbjet e jetës është shumë e efektshme vaksina, por për kontrollin e infeksionit ka rënë pak efikasiteti. Dhe po të shohim Greqinë, që e ka institucionin e “Green Pass” është në rritje eksponenciale, Kroacia po ashtu, Italia është në rritje të lehtë. Dhe do ta shohim si do të shkojë tek ne. Vaksinimi nuk bëhet për të pirë kafe, nuk bëhet për të shkuar në lokal, bëhet për shëndetin”, u shpreh mjeku Alimehmeti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
