Një aksident i rëndë u shënua mesditën e sotme në Durrës.
Mësohet se një punonjës policie ka aksidentuar një fëmijë të mitur 3 vjeç.
Uniformat blu bëjnë me dije se ngjarja ka ndodhur rreth orës 12:00, në lagjen nr.13 të qytetit bregdetar.
“Rreth orës 12:00, në lagjen nr. 13 Durrës, shtetasi L. L., punonjës policie, duke drejtuar automjetin e tij privat, ka aksidentuar një fëmijë të mitur 3 vjeç, i cili ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia.
