“E keqja e këtij vendi nuk është Basha” Flet Bujar Nishani: Në PD duhet ndryshim radikal

Ish-presidenti Bujar Nishani ka deklaruar së fundmi se Partia Demokratike po kalon një krizë ekzistenciale.

Sipas tij zgjidhja mund të vijë vetëm me anë të një ndryshimi radikal.

Nishani shtoi se problemi parësor nuk është përplasja Berisha-Basha por vëmendja duhet të përqendrohet te e ardhmja e kësaj force politike.

“Ky është një proces i cili nuk kishte alternativë tjetër, përpos të ndodhte. Ose PD do të vazhdonte dhe nëse dështon në këtë proces do të shkojë drejt shuarjes së saj si forcë politike, ose do të hynte në një proces ridimensionimi. E keqja e këtij vendi nuk është Lulzim Basha, është qeveria, por Basha është problemi sepse nuk bën të mundur që mekanizmi për ndryshimin e qeverisjes të jetë i fortë, i shëndoshë dhe i aftë për ta bërë të mundur ndryshimin e qeverisjes,” tha Nishani për Ora News.