LIGJET E BIZNESIT
Edhe në seancën e sotme parlamentare deputeti i PD Saimir Korreshi nuk ka kursyer ironinë me zyrtarët e qeverisë.
Duke folur për braktisjen e serave nga fermerët si pasojë e mungesës së ndihmës shtetërore për problematikat e tyre, ai u shpreh se paketa e re fiskale do të bëjë që shumë fermerë të mos mbjellin vitin e ardhshëm.
Sipas tij tregu do të mbushet me produktet e vendeve fqinje, ashtu siç po ndodh me produktet e bulmetit.
“Sot u premtua që do hamë me lugë floriri gjithandej, po nuk mendoj se është kështu, u tha që ne kemi mbjellë dhe kemi shtuar sipërfaqet. Opingat! Të gjithë fermerët ishin atje jashtë sot dhe unë për fat të mirë i njoh të gjithë ata fermerë. Ka nga ata të cilët realisht janë personat që mbjellin, që mbajnë peshën e asaj që na serviret ne në tavolinë.
Ju e keni zakon, gjithmonë këtu s’ka pasur se ne bar do hamë, po kam frikë se s’do na mbijë as bari se fermerët nuk do merren as me këtë se po i lënë serat. Sot serat janë bosh, fermerët janë në protestë. Ju jo vetëm socialista dhe specialista, sot treguat dhe mjeshtëri të lartë sportive. I morët, i amortizuat, i dhatë kafe i thatë se do hani me lugë floriri, po dale sa të kalojmë buxhetin se ashtu është një muhabet. Jo nuk mundet të kalojë ky buxhet, nuk mundet kjo lloj sjelljeje me fermerët lushnjarë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ta dini se vitin tjetër do hani produkte të “Ballkanit të Hapur” ose të “shqyer”, ç’a është ai. Siç po hani djathin dhe gjalpin nga produktet serbe, se blegtoria e ka mendjen te akademia, sa t’i stërvisim pak, se nuk dinë se si rritet lopa as dhia, po t’i stërvisim pak, ndërkohë që e marrim qumështin nga Serbia, edhe pak qumësht pluhur. Ne vazhdojmë t’i gënjejmë fermerët pasi ata nuk marrin asgjë as nga skemat e rimbursimit të AZHBR-së, me teknikat se kjo sera është 2.80 dhe duhet të ishte 3.20”, tha Koreshi.
