Duke nisur nga sot/ Punimet në Unazën e Re, ja si do të devijohet trafiku për shoferët

Duke nisur nga sot do të fillojnë punimet për shtresën e fundit të asfaltit në rrugët dytësore të Lotit 2 në Unazën e Re.

Lajmin e ka dhënë Autoriteti Rrugor Shqiptar.

Kështu, nga ora 20:00 e mbrëmjes deri në orën 06: 00 do të kryhen punime në rrugën paralele perëndimore (krahu i pallateve) nga Ura e lumit Lana deri te kryqëzimi me zgjatimin e Bulevardit “Migjeni” .

Në këtë segment do të devijohet trafiku.

Të gjitha automjetet që do të vijnë nga ish-sheshi Shqiponja do të devijonë vetëm majtas me destinacion rrethin e Pallatit me Shigjeta dhe do të jenë të bllokura të gjitha degëzimet që lidhen me këtë aks dytësor me destinacion rrugën ‘Tom Plezha’ gjithashtu nuk do të lejohen parkimet e automjeteve në këtë aks.