“Deklarata e Kryemadhit, e pakuptimtë” Përplasja PD-LSI për listat, ja si e komenton Bardhi

Sekretari i Përgjithshëm i PD Gazment Bardhi ka konfirmuar qendrimin e tij se në zgjedhjet e fundit parlamentare janë kërkuar nga ana e partisë që përfaqëson lista të përbashkëta me LSI, për maksimizimin e votave të opozitës.

Por sipas tij, LSI kërkoi lista të ndara.

Ndër të tjera, Bardhi i ka cilësuar si të kuptimta deklaratat e kryetarës së kësaj force politike, Monika Kryemadhi.

“I kujtoni deklaratat e Kryemadhit që me ndryshime e njëanshme të Kushtetutës dhe Kodit Zgjedhor përfitonte LSI, sepse do merrte më shumë se 40 mandate. Unë kam dhënë me dhjetëra konferenca për shtyp, ata që u fshehën dhe nuk erdhën një ditë në qarkun e Elbasanit, janë arsyeja e vetme pse LSI nuk mundi të merrte dot asnjë mandat në qarkun e Elbasanit. LSI nuk ka zhvilluar fushatë në qarkun e Elbasanit”, tha Bardhi.

“Ka një deklaratë të pakuptimtë ndaj një deklaratë normale dhe të vërtetë ndaj një fakti publik që PD ka pasur vullnet për të hyrë me një listë të përbashkët dhe qëndrimin koherent i LSI me dy lista të veçanta. Kjo deklaratë e imja ka përbërë shqetësim ndaj zyrtarëve të LSI, se kuptoj arsyen pse. Kam pohuar një fakt publik që ishte pohuar dhe nga zonja Kryemadhi”, shtoi ai.