Çfarë ndodhi? Rama nuk përmbahet, ia plas të qeshurës në parlament

Në seancën e sotme parlamentare, deputeti i Partisë Demokratike Arbi Agalliu foli për rishikimin e buxhetit të vitit 2021.

Ai po kritikonte borxhet e mëdha që ka marrë qeveria, kur kryeministri Edi Rama nuk e ka mbajtur dot veten por ka shpërthyer në të qeshura.

“Ironitë i lini mënjanë sepse në foltoren këtu apo atje ka demokratë të ndershëm që kërkojnë një vend ku të rrisin fëmijët e tyre. Ironira këtu nuk besoj se është vendi. Vijmë këtu për një akt normativ që përkthehet në pamundësi për të parashikuar saktë.

Nuk jemi 6 muaj pas tërmetit dhe pandemisë por shumë më tepër, çka krijon kushtet e nevojshme për të parashikuar saktë. Për çfarë do shpenzohen paratë e eurobondit? Ministren e Shëndetësisë e pyetëm sa mjeke dhe infermiere janë larguar dhe nuk u përgjigj? E pyeta ministren e Financave pse ka interval nga 500 deri 700 milionë dhe më tha të shohim si do jetë ecuria në tregje.

Nuk është momenti për të thënë e rrisim borxhin duke u bazuar në këtë gjë por të dali ministrja të thotë pse po rritet”, tha Agalliu.