Çfarë ndodhi? Disa orë pas emërimit, kryeministrja e parë femër e Suedisë jep dorëheqjen

Kryeministrja e parë femër e Suedisë Magdalena Andersson, ka dhënë dorëheqjen vetëm disa orë pas emërimit.

Kjo ndodhi pasi ajo pësoi një humbje numrash në parlament dhe partneri i koalicionit të Gjelbrit u largua nga qeveria e pakicës dypartiake.

“Për mua, ka të bëjë me respektin, por gjithashtu nuk dua të drejtoj një qeveri ku mund të ketë arsye për të vënë në dyshim legjitimitetin e saj”, tha Andersson në një konferencë shtypi.

Andersson ka informuar kryetarin e parlamentit Anderas Norlen se ajo është ende e interesuar të udhëheqë një qeveri njëpartiake socialdemokrate.

Ajo tha se “një qeveri koalicioni duhet të japë dorëheqjen nëse një parti zgjedh të largohet nga qeveria. Pavarësisht se situata parlamentare është e pandryshuar, ajo duhet të gjykohet përsëri.”