Çfarë është teoria e lugës? Si kjo metaforë shpjegon kaq shumë për sëmundjet kronike

Nisur nga një histori personale, teoria e lugës ka për qëllim t’i vijë në ndihmë njerëzve që kanë sëmundje kronike.

Teoria e lugës përshkruan idenë e energjisë së kufizuar, duke përdorur “lugët” si njësi të energjisë. Christine Miserandino ka lupus, një sëmundje kronike autoimune e cila bën që sistemi imunitar të sulmojë qelizat e shëndetshme të trupit. Një ditë, shkruan Christine, shoqja e saj donte të kuptonte më mirë realitetin e të jetuarit me një sëmundje kronike.

Çfarë është teoria e lugës? Si kjo metaforë

“Teksa përpiqesha të qetësohesha, hodha një vështrim rreth tryezës për ndihmë ose ndonjë udhëzim, ose të paktën ngeca duke menduar. Po përpiqesha të gjeja fjalët e duhura. Si t’i përgjigjem një pyetjeje të cilës nuk kam mundur t’i përgjigjem kurrë?” shkruan ajo.

“Mund të kisha hequr dorë, të bëja një shaka si zakonisht dhe të ndryshoja temën, por mbaj mend që mendoja nëse nuk përpiqesha ta shpjegoja këtë, si mund të prisja që ajo ta kuptonte. Nëse nuk mund t’ia shpjegoj këtë mikeshës sime më të mirë, si mund t’ia shpjegoj botën time dikujt tjetër? Më duhej të paktën të provoja.”

E ulur në një kafene, Christine shpjegon se si mblodhi lugët dhe i përdori ato për të përfaqësuar njësi të kufizuara energjie. Energjia, për shumë njerëz me sëmundje kronike, është e kufizuar dhe varet nga shumë faktorë, duke përfshirë nivelin e stresit, mënyrën se si flenë dhe dhimbjen. Më pas Miserandino i foli shoqes për ditën e saj normale duke i marrë lugët ose energjinë për aktivitetet që kryente, teksa diskutimi vazhdonte. Në fund të ditës, shoqja kuptoi se Christine nuk ishte në gjendje të bënte aq sa donte. Kur e kuptoi që ajo e kalonte këtë çdo ditë, nisi të qante. Atëherë e kuptoi se sa e çmuar ishte koha për njerëz si Christine dhe sa pak “lugë” kishte luksin të shpenzonte.

Çfarë është teoria e lugës? Si kjo metaforë

Kjo mënyrë përshkrimi është pranuar në mbarë botën si mjet për të përshkruar se si është në të vërtetë jeta me sëmundje. Teoria e lugës ka bërë disa gjëra të mëdha që nga fillimi i saj – një prej të cilave është duke ofruar një mënyrë për njerëzit që të takojnë të tjerët që kanë një sëmundje. Një kërkim i shpejtë në rrjete sociale do të nxjerrë qindra mijëra postime nga njerëz që identifikohen si “Spoonie”.

Shumica e njerëzve nuk mendojnë dy herë për energjinë që duhet për të bërë dush, për t’u veshur apo për të shkuar në punë. Kur keni sëmundje kronike, nuk jeni si shumica e njerëzve.

Ky planifikim i kujdesshëm është i nevojshëm për dikë me një sëmundje kronike për të ndihmuar në shmangien e sforcimeve të tepërta, por nuk është i nevojshëm për një person të shëndetshëm, i cili ka të ngjarë të ketë mjaft “lugë” për të bërë pothuajse çdo kombinim aktivitetesh.anabel