Çfarë është B.1.1.529, varianti i ri i koronavirusit që ka alarmuar shkencëtarët

Autoritetet në pjesë të botës kanë reaguar ndaj variantit të ri të koronavirusit të identifikuar në Afrikën e Jugut, pasi BE, Britania e Madhe dhe India janë në mesin e vendeve që kanë bërë të ditura kufizime në udhëtime, teksa shkencëtarët tentojnë të kuptojnë nëse ky mutacion u reziston vaksinave.

Çfarë ka thënë OBSH-ja?

Agjencia e Kombeve të Bashkuara për Shëndetësi do të vendosë nëse do ta shpallë apo jo  këtë virus me interes apo me shqetësim.

Ka mundësi që më pas ky variant të marrë edhe emër grek, si variantet tjera.

Deri më tani OBSH ka identifikuar katër variante të koronavirusit, Alfa, Beta, Gama dhe Delta.

Dy variante të tjera me interes janë Lambda, i identifikuar në Peru, në dhjetor 2020 dhe Mu, që është identifikuar në Kolumbi, në janar të këtij viti.