Gazetari Ferdinand Dervishi tha se 38-vjeçari Klodian Çalamani duhet të ishte skeduar nga organet e drejtësisë si një person me probleme të shëndetit mendor që në rastin ku mori peng një vajzë në vitin 2006, që mos të ishim para tragjedisë ku një 8-vjeçar humbi jetën.
Dervishi: Ne kemi shumë probleme, unë e shoh si problem të drejtësisë, shoqërisë etj. Duhet ta kishin skeduar këtë person që në vitin 2006 kur rrëmbyen një vajzë bashkë me shokun e vet. Babai i djalit të vrarë nga autori e shpëtoi vajzën.
Në gjithë këtë histori më ka bërë përshtypje fakti se ky ka tentuar të qëllojë me shishe vajzën dhe pasi ka dështuar, ka filluar të çajë veten.Në këtë moment duhej të ishte skeduar si person me probleme. Përveç burgut mund të përfundonte dhe të trajtohej në qendrat për kujdesit shëndetësor. Atë çfarë ka shfaqur ky policia e përcakton si person me vështirësi të karakterit.
