Pas 6 orësh diskutime në selinë blu, ka përfunduar mbledhja e Kryesisë së Partisë Demokratike.
Lulzim Basha tha se Kuvendi Kombëtar do të mbahet në 18 dhjetor, ndërsa theksoi se nuk do lejojë askënd që ta marrë peng PD-në.
“Kuvendi do mbahet në 18 dhjetor dhe jam krenar për vendimin e kryesisë pas 6 orësh diskutime. Dua t’i falënderoj të gjithë pavarësisht prej vendimeve dhe votës së tyre për përkushtimin dhe legjitimimin e plotë të besimit që i kanë dhënë demokratët. E sigurtë është që nuk do lejoj askënd ta mbajë PD-në peng”, tha Basha për gazetarët.
