Presidenti Ilir Meta i është përgjigjur sërish Lulzim Bashës për akuzat se është pjesë e ‘Trekëndëshit të Bermundës’ së bashku me Ramën dhe Berishën.
Meta ka treguar se Basha me muaj të tërë e vizitonte shtëpinë e Presidentit së bashku me familjen.
“Berisha vetëm një herë ka qenë në shtëpinë time. Basha, nëse do t’i numëroja ditët ka qenë me muaj të tërë, me familjen, me vajzat, më shume se kushdo politikan tjetër në shtëpinë time. Kur dëgjova para pak kohësh për herë të parë z.Basha mendova mos e kishte me deputetin socialist të Vlores, Ilir Metaj. Unë nuk kam patur dhe nuk kam asnjë hall, ndaj nëse ngelem në doren e z.Basha për të zgjidhur hall, askënd mos e zëntë halli në këtë botë. Për zgjedhjet vendore, Basha më është lutur! “Aman të lutem më shpëto!”.
“Aman të lutem të shtyhen zgjedhjet!”. Më erdhi shumë keq për gjendjen ku ndodhej. Erdhi në Gjermani, ku unë ndodhesha për vizitë zyrtare, sepse gjermanët e thirren dhe i tërhoqen veshin: “Nuk duam asnjë shashkë!”, “Nuk duam më dhunë në mitingje!”. Pse? Sepse gjermanet kishin vullnetin të na ndihmonin për hapjen e negociatave me BE.”-tha Meta në Syri Tv.
