Atentat dy shqiptarëve në Greqi/ Qëllohen me breshëri plum bash, humb jetën biznesmeni

Një atentat mafioz ka ndodhur në karburantin e dy shqiptarëve në rrugën Thivon 181 në Nikia të Athinës, duke i marrë jetën njërit prej tyre.

Viktima e atentatit dhe personi i plagosur janë dy shtetas shqiptarë, identiteti i të cilëve nuk bëhet publik për momentin.

Mësohet se atentatorët ndodheshin në një auto veturë dhe hapën zjarr mbi mjetin në të cilin po lëviznin viktimat.

Trupi i viktimës ndodhet ende në makinë në pritje të ekzaminimit nga mjeku ligjor, ndërsa i plagosuri ndodhet në spital në gjendje të rëndë për jetën.