Aksident i frikshëm/ Përplasen dy makina, ndërron jetë një person dhe plagosen 3 të tjerë

Një aksident i rëndë automobilistik ka ndodhur sot  në aksin Shkodër-Koplik.

Si pasojë e përplasjes së  dy makinave, ka ndërruar jetë një person dhe tre të tjerë janë plagosur.

Ngjarja u shënua sot paradite, ndërkohë që të plagosurit mësohet se janë dërguar në spitalin e Shkodrës.

Deri më tani dihet identiteti i viktimës, i cili është shtetasi Durim Lushaj.

Siç shihet edhe nga pamjet, dy makinat e përfshira në aksident, njëra prej tyre ka dalë nga rruga, janë shkatërruar thuajse totalisht nga goditja e cila ka rezultuar shumë e madhe.