Eksperti i ekonomisë Zef Preçi ka folur në lidhje me krizën energjitike që pritet të kalojë Shqipëria.
Ai ka thënë se reformat e lëna përgjysmë prej koncesioneve të dhëna për interesa jo të vendit, janë pasojë që do të rëndojë xhepin e konsumatorit.
Sipas tij, një situatë e tillë vjen pikë së pari si pasojë e keq menaxhimit nga politika e më pas luhatjet e bursës.
“Shqipëria ka potenciale hidrike të pashfrytëzuara ose të shfrytëzuara keq të cilat kanë bërë që të jemi një vend i varur vetëm nga importi.
Varësia e lartë e importit ka bërë që çdo ndryshim që ndodh në tregun e huaj të reflektohet menjëherë për konsumatorin shqiptar. Reformat e lëna përgjysmë sipas ekspertëve janë larg objektivit që ka qeveria për ta kthyer vendin tonë në eksportues kryesor në vitin 2030”, shprehet Preçi në një intervistë për “Syri TV”.
