Zbardhet identiteti i gruas që humbi jetën në Astir. Dyshohet se zjarri u vu nga i biri

Hava Osmenaj  është 62-vjeçarja e cila humbi jetën sot në spital, pasi tentoi që t’i shpëtonte flakëve në apartamentin e saj, në Astir, duke u hedhur nga kati i tretë.

Ndërkohë i lënduar ka mbetur djali i saj, Klodjan Osmenaj, i cili ndodhet në spital. Duke qenë se zjarri ka qenë i madh, gruaja e gjendur në këto kushte, është hedhur nga dritarja e banesës, por s’ka mundur të mbijetojë. Ndërkohë  djalin e kanë nxjerrë jashtë banorët nga apartamenti e kanë çuar në spital.

Nga të dhënat paraprake ka dyshime se zjarri ka qenë i qëllimshëm, pasi thuhet se 36-vjeçari ka probleme të shëndetit mendor.