Valë e re pandemie, ja kush është shteti i parë që rikthen karantinën

Pas një rritje të rasteve të reja, Letonia ka njoftuar një bllokim një mujor për shkak të pandemisë.

Kështu, ky shtet bëhet i pari në Europë që rivendos kufizime të mëdha mes një vale të re në të gjithë kontinentin.

Vendi baltik është një prej vendeve me shifrat  më të larta të rasteve të reja me Covid në raport me popullsinë në botë, sipas Qendrave Amerikane për Kontrollin dhe Parandalimin e Sëmundjeve (CDC).

“Sistemi ynë shëndetësor është në rrezik … E vetmja rrugëdalje nga kjo krizë është të vaksinohemi,” tha kryeministri, Krišjānis Kariņš të hënën në mbrëmje në një mbledhje urgjente të qeverisë.

Ai tha se shkalla e ulët e vaksinimit të vendit ishte fajtori për rritjen e shtrimeve në spitale.

Vetëm 57% e 1.9 milion letonezëve janë vaksinuar plotësisht, shumë më poshtë mesatares së BE -së prej 74%.

“Unë duhet t’i kërkoj falje të  vaksinuarve ,” tha Krišjānis Kariņš duke shtuar se vetëm prodhimi thelbësor, ndërtimi dhe punët kritike do të lejoheshin të vazhdonin normalisht.

Javën e kaluar, presidenti Letonez, Egils Levits, rezultoi pozitiv me koronavirus, duke e detyruar presidentin e Finlandës, Sauli Niinistö, i cili ishte takuar me Levits një ditë më parë, të izolohej, raporton The Guardian.