LIGJET E BIZNESIT
Në mbledhjen e sotme me kryebashkiakët, kryeministri Edi Rama foli dhe për ujësjellësit në vend, për të cilët paralajmëroi se do të flasë më me detaje javën e ardhshme.
Kreu i qeverisë ngriti shqetësimin se ujësjellësit janë kthyer në sektorë punësimi dhe shumë njerëz në këto zyra e marrin rrogën kot.
“Janë bërë investime të mëdha si për plehrat, si për ujin. 800 milionë euro ka investuar kjo qeveri së bashku me donatorët, të cilat janë fonde të këtij populli dhe humbjet në rrjet dhe trajtimi i sektorit të ujit si një sektor punësimi, në ndërmarrje të mbingarkuara me njerëz që marrin rroga kot, ndërkohë që çdo vit rritet borxhi i bashkive, kjo është bërë rutinë”, u shpreh kryeministri.
Më tej, Rama e quajti kriminal administrimin e këtij sektori.
