Mesditën e sotme një ngjarje e rëndë ka ndodhur në Shëngjin, në ambientet ku janë akomoduar shtetasit afganë.
Mësohet se një grua afgane ka qëlluar me thikë një shtetas tjetër me kombësi të njëjtë.
Policia sqaroi në njoftimin e saj se autore është një 26-vjeçare e cila ka qëlluar me mjet prerës bashkëjetuesin e saj shtetasin M.K., 33 vjeç.
Burimet bëjnë me dije se i plagosuri është dërguar në spitalin Rajonal të Lezhës.
NJOFTIMI ZYRTAR I POLICISE
Më datë 23.10.2021, në Shëngjin Lezhë, në ambientet ku janë akomoduar shtetasit afganë, si pasojë e një konflikti të çastit, shtetasja afgane Z.K., 26 vjeçe ka plagosur dyshohet me mjet prerës bashkëjetuesin e saj shtetasin M.K., 33 vjeç, i cili është transportuar në spitalin Rajonal Lezhë, jashtë rrezikut për jetën.
Grupi hetimor ndodhet në vendngjarje dhe nën drejtimin e Prokurorisë së Rrethit Gjyqësor Lezhë, po punon për sqarimin e plotë të shkakut dhe rrethanave të ngjarjes.
