LIGJET E BIZNESIT
Komisariati i Policisë në Librazhd ka ndaluar një makinë kamionçinë me targa AA 069IX me të cilën po transportoheshin disa bagëti pa dokumentacionin e duhur.
Në një operacion që u organizua nga Drejtoria Rajonale Qarku Elbasan, Autoriteti Kombëtar i Ushqimit dhe sektori Veterinar i Shërbimit Veterinar dhe Mbrojtjes së Bimëve ndaluan në aksin Përrenjas-Librazhd automjeti që po transportonte kafshët.
Postblloqet për ndalimin e tyre u ngritën pas informacioneve të marra nga Korça teksa personat përgjegjës bashkë me kamionçinën me kafshë janë shoqëruar për në policinë e Librazhdit.
Ndërkohë, kanë ardhur specialistët e Krimit Ekonomik Elbasan për të verifikuar të gjithë situatën dhe dokumentacionin. Specialistët e Policisë dhe autoritetet veterinare po kontrollojnë për origjinën e kafshëve dhe më gjerë.
