Të dielën ndryshon ora/ Lëvizin sërish akrepat, do të flemë 60 minuta më shumë

Ora do të ndryshojë sërish të dielën në mesnatë.

Akrepat do të ndërrohen dhe do të shkojnë një orë pas.

Kjo do të ndodhë natën mes të shtunës 30  dhe të dielës 31 tetor, kur akrepat do të zhvendosen nga ora 03:00 në 02:00.

Kalimi nga koha verore në atë diellore, që në fakt shënon ardhjen e periudhës së dimrit, do të sjellë si çdo vit avantazhe dhe disavantazhe.

Me orën dimërore, do të kemi më pak ditë dhe më shumë natë. Me ndryshimin e orës në realitet do të humbasim një orë dritë pasdite, të cilën do ta rikuperojmë në mëngjes, siç do ta vërejnë sidomos ata që zgjohen herët.

Ora dimërore do na shoqërojë deri në natën mes të shtunës 26 dhe të dielës 27 mars 2022, kur akrepat do të kthehen në orën verore.