Shefja e Shërbimit Epidemiologjik në ISHP Silva Bino në një intervistë për emisionin “Opinion” në TV Klan, tha doza e 3 vaksinës do të nisë të aplikohet për personat mbi 60 vjeç dhe ata me imunitet të ulët.
“Komiteti është mbledhur ditën e premte dhe do të aplikohet edhe doza e tretë bazale për personat me imunitet të ulët, ata që kanë bërë transpalante, ne kemi bërë dhe studime këtu. Personat mbi 60 vjeç do të vaksinohen me dozën booster. Personat që kanë dëmtime të imunitetit do të kenë një përqasje tjetër.
Personat mbi 16 vjeç do të vaksinohen. Nuk më takon të them vendimet e komitetit. Nuk po themi që do të vaksinohen me detyrim. Janë problem që do diskutohen. Nuk merren vendimet menjëherë. Nën 18 vjeç janë fëmijë dhe përgjigjet prindi dhe lidhet me dakordësinë e prindit”, tha Bino.
