LIGJET E BIZNESIT
Kryeministri Rama tha se “vitin tjetër satelitët Albania 1 dhe Albania 2, do jenë në orbitë”, deklaratë që u shoqërua me të qeshura nga të pranishëm të tjerë në kuvend.
Sot, përballë disa gazetarëve, ai dukej po aq i vendosur për satelitët dhe dronët inteligjentë, duke shtuar se ato do të shërbejnë “për kontrollin dhe administrimin e territorit të vendit për të monitoruar emergjencat civile, zjarret, por edhe luftën kundër krimit”.
“[…] Shqipëria do të ketë satelitë për të forcuar kontrollin mbi territorin dhe do të ketë edhe dronin inteligjent për ta çuar vendin në nivel tjetër administrimi të territorit të vet dhe këto janë mjete të një teknologjie të re që garantojnë monitorim të territorit, që nga kufijtë, ndërtimet, monitorimi i lidhur me informacionin që i duhet strukturave të shtetit kundër trafiqeve dhe përpjekjeve për të zeruar plotësisht kultivimin e narkotikëve dhe për shumë. Edhe për të luftuar krimin e organizuar, duke pasur kapacitete monitoruese të paimagjinueshme, si dhe për të lehtësuar marrëdhëniet në territor që shpeshherë kompromentohen nga inspektorë e punonjës policie të korruptuar.”
Ai shtoi:
“Dhe e mira e kësaj kohe të teknologjisë së lartë është se nuk ka nevojë të jesh vend i zhvilluar për këtë kapërcim epokal. Shqipëria do t’i ketë shpejt satelitët dhe dronët e saj inteligjentë. Për zjarret, për emergjencat civile. Përdorimi i këtyre mjeteve do të jetë për çështje që kanë të bëjnë me punët civile të vendit dhe luftën kundër krimit të organizuar, jo për veprime apo ofensive ushtarake”.
Ashtu si gazetari i A2 News, edhe shumë të tjerë mund të pyesin “Sa të nevojshëm janë satelitët në një vend që nuk përmbush furnizmin me ujë 24 orë” – pyetje të cilës Rama iu përgjigj:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Po t’ju them që satelitët lidhen edhe me ujin ç’do thoni ju? Të gjitha bashkë. […] Meqë nuk kemi ujë 24 orë, ne nuk duhet të kemi satelitë?! Do të kemi kontroll mbi lumenjtë dhe do të identifikojmë çdo ndërhyrje të paligjshme në Shqipëri, do të kemi kontroll edhe mbi mjedisin, duke verifikuar në kohë reale çdo cënim të mjedisit sa i përket mbetjeve dhe prerjes së pyjeve. Ne nuk do të bëjmë kërkime në Mars, por na duhen sy inteligjentë për të pasur në kohë reale informacion mbi vendin tonë dhe për të identifikuar në kohë reale çdo ndërtim pa leje në Shqipëri”./a2
