LIGJET E BIZNESIT
Komiteti Disiplinor i FIFA-s ashtu sikurse kishte paralajmëruar se nuk do të tregonte mëshirë ndaj “akteve të neveritshme”, njohu Federatën Shqiptare të Futbollit me vendimin e marrë lidhur me incidentet e ndodhura në ndeshjen Shqipëri-Poloni.
Në ndeshjen e luajtur në datën 12 tetor 2021 në stadiumin Air Albania, tifozët shqiptarë hodhën shishe drejt futbollistëve polakë pasi ata shënuan golin e fitores.
Vendimi i ditës së sotme ndëshkon Federatën e Futbollit me një gjobë prej 150 mijë frangash dhe detyron që të luajë ndeshjen e fundit eliminatore për Kampionatin Botëror “Katar 2022” pa tifozë.
Federata shpreh keqardhjen për këtë vendim të marrë dhe do të ndërmarë të gjithë masat e nevojshme që situata të tilla, të shkaktuara nga disa individë të mos përsëriten.
Po ashtu, në njoftimin e FSHF thuhet se do të shihen mundësitë për ankimimin e vendimit brenda afateve të parashikuara.
