Protesta për rritjen e çmimeve dje në Tiranë, Policia e Shtetit shpall në kërkim 4 persona

Policia ka njoftuar se po punon për të shoqëruar në komisariat 4 persona, duke i cilësuar si përgjegjës për bllokimin e bulevardit “Dëshmorët e Kombit” një ditë më parë gjatë protestës në Tiranë për rritjen e çmimeve.

“Më datë 06.10.2021, u referuan materialet në Prokurorinë pranë Gjykatës së Shkallës së Parë Tiranë dhe punohet për shoqërimin e shtetasve, N. L, V. K, A. G dhe E. K, pasi në bulevardin “Dëshmoret e Kombit”, kanë bërë bllokimin në mënyrë të paligjshme të rrugës, duke penguar qarkullimin e mjeteve, të identifikuar si pjesmarrës dhe organizatorë”, bëjnë me dije uniformat blu.

Kujtojmë se pasditen e djeshme, qytetarë, mes tyre personazhe publike, protestuan kundër rritjes së çmimeve të karburantit, energjisë elektrike, ushqimeve bazë të shportës.  Protesta fillimisht u organizua në rrjetet sociale.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern