Të burgosurit në burgun e Burrelit pretendojnë se po u ushtrohet presion nga nga stafi dhe Drejtoria e Pëgjithshme e Burgjeve pasi prej gjashtë ditësh janë futur në grevë.
Në një denoncim të publikuar nga Faxweb, shkruhet se greva po mbahet e fshehtë nga autoritetet pasi nuk duan që ta bëjnë publike.
“Të burgosurit janë në grevë për shkak të kufizimit të takimeve me vetëm një takim në muaj, dhe ky me jo më shumë se dy njerëz. Telefonatat e pakta që ju lejohen po ashtu përgjohen, gjë e cila bie ndesh me privatësinë,”- thotë denoncuesi, sipas FaxWeb.
Të burgosurit paralajmërojnë se grevës do t’i bashkohen në vazhdim burgjet e tjera të Shqipërisë. Ata kërkojnë takime me familjarët që janë ndaluar për shkak të pandemisë së Covid-19.
