Paditet shkolla/ Nuk lejon djemtë me flokë të gjata

7 studentë kanë paditur një rrjet shkollash në Teksas në lidhje me politikën e kodit të veshjes që ndalon djemtë të kenë flokë të gjatë.

Zyrtarët e shkollës pezulluan një djalë vetëm 9-vjeçar për një muaj, ndaluan pjesëmarrjen e tij në eskursione si dhe pushimet normale të drekës si ndëshkim për flokët e gjatë, pretendohet në padi.

Ai dhe disa nxënës e tjerë, të moshës 7 deri në 17 vjeç, shprehen se po shkelet kushtetuta dhe më konkretisht pjesa e saj që flet për diskriminimin seksual dhe pamjen.

Sipas kodit të veshjes, djemtë nuk mund të mbajnë kurrësesi flokët mbi sy, të kalojnë pjesën e poshtme të veshëve ose të kalojnë pjesën e poshtme të jakës së këmishës. Duke u përballur me reagime të kundërta në stinën e verës, Magnolia mbrojti politikën, duke thënë se ajo “pasqyron vlerat e komunitetit në përgjithësi”.

Padia, argumenton se rrjeti shkollor “shkaktoi dëm të madh dhe të pariparueshëm … vetëm për shkak të gjinisë së këtyre nxënësve”.

Padia detajon një numër dënimesh të dhëna për studentët. Ata u janë nënshtruar ndëshkimeve duke përfshirë pezullimin, mohimin e aktiviteteve jashtëshkollore dhe ndarjen nga bashkëmoshatarët e tyre.