Njoftoi menjëherë policinë/ Elektriçisti “merr në qafë” shqiptarin në Angli pas asaj që pa në banesë

Një shqiptar 20-vjeç u arrestua nga policia në Angli.

I riu u kap në një banesë, ku po kujdesej për kultivimin e kanabisit.

Shtëpia e barit u gjet në qytetin Coventry dhe u zbulua nga një elektriçist, i cili kishte shkuar aty për të rregulluar problemet me energjinë elektrike.

Sapo ai e kuptoi se brenda në banesë po kultivohej kanabis, njoftoi menjëherë policinë.

Uniformat blu arrestuan shqiptarin e identifikuar si Eduart Shuli, që në atë moment ishte fshehur në tualet.

Gjatë kontrollit, policia gjeti 124 bimë kanabisi, të cilat nëse do të shiteshin në treg, do të kapnin vlerën e 100,000 paund.