LIGJET E BIZNESIT
Deputeti demokrat Ervin Salianji ka reaguar pas ngjarjeve të fundit që kanë përfshirë vendin, vrasjes në Fier dhe grabitjes në Krujë. Në një postim në rrjete sociale, Salianji shkruan se askush nuk ndihet i sigurt dhe se ngjarje të tilla tregojnë mungesën e çdo lloj frike nga shteti.
Sipas tij, qeveria duhet të mbajë përgjegjësi, ndërsa krahas pasigurisë sociale-ekonomike, shqiptarët nuk kanë as siguri publike.
POSTIMI I PLOTË:
Për fat të keq gjendja e rendit publik degradon çdo ditë e më shumë!
Askush nuk ndihet i sigurt për familjen, biznesin, fëmijët. Vrasjet e tipit mafioz si ajo në mes të qytetit në Fier janë shtuar, tmerri i ngjarjes së Krujës vendos kujën për gjithçka i ka ndodhur familjes së një biznesmeni, tregon mungesën e çdo lloj frike nga shteti!
Qeveria i përdor këta llumra në zgjedhje dhe ata sot ndihen zotër të vendit që mund te prodhojnë gjithçka përtej imagjinatës!
Qeveria jo vetëm është e paaftë të mbrojë jetën, pronën dhe rendin por reagimet e saj janë të vobekta duke i kaluar ngjarjet si normalitet
Qeveria duhet të mbajë përgjegjësi, krahas pasigurisë social-ekonomike, shqiptarët sot nuk kanë as siguri publike!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
