“Nga politika ende nuk ka dalë gjë” Avokati zbulon rastin e vetëm në Gjermani që është pjesë e “Pandora Papers”

Avokati shqiptar Erion Metoja, i cili drejton një studio ligjore në Frankfurt të Gjermanisë, ka treguar

aludimet që kanë dalë nga skandali i “Pandora Papers” në këtë shtet.

I ftuar në programin “Top Talk”,  ai tha se rasti i vetëm që po aludohet në Gjermani është ai i aeroportit të Frankfurtit që përmes një kompanie offshore mundet të ketë anashkaluar transaksionet kundrejt Rusisë për arsye të aneksimit të Ukrainës por nuk ka ende asgjë konkrete.

“Në Gjermani deri tani nuk ka raste, ka pasur deri tani aludime për aeroportin e Frankfurtit, që përmes një kompanie offshore mundet të ketë anashkaluar transaksionet kundrejt Rusisë, për arsye të aneksimit të Ukrainës, por asgjë konkrete. Persona të politikës dhe ekonomisë nuk kanë dalë ende”, tha avokati.