Nesër hapet Lotaria Amerikane, çfarë duhet të dini për aplikimin këtë vit

Nga dita e nesërme hapen aplikimet për Lotarinë Amerikane në të gjithë botën, përfshirë këtu edhe Shqipërinë.

Kush ëndërron të jetojë dhe punojë në Shtetet e Bashkuara të Amerikës, ka kohë të aplikojë për të provuar fatin deri në datën 9 nëntor, kur edhe mbyllet procesi.

Asgjë nuk ka ndryshuar sa i përket mënyrës se si aplikohet, mirëpo këshillohet ruajtja e numrit të konfirmimit, në një vend të sigurtë, pasi do t’ju duhet për të parë nëse jeni përzgjedhur ose jo vitin tjetër. Po ashtu bëni kujdes, të mos aplikoni më tepër se një herë, pasi skualifikoheni automatikisht.

Rikontrolloni disa herë plotësimet e bëra, përpara se të dërgoni aplikimin, për t’u siguruar që nuk keni shkruar asgjë gabim. Cilësia e fotografisë është mjaft e rëndësishme, por këtë mund ta zgjidhni duke i treguar fotografit se dëshironi një fotografi për Lotarinë Amerikane, pjesa më e madhe e tyre i dinë standardet e fotos.

Çdo vit përzgjidhen rreth 50,000 persona nga vende të shumta në botës.