Kryetari i PD Lulzim Basha është treguar shumë i ashpër sot me paraardhësin e tij Sali Berisha.
Ky i fundit u shpreh pak ditë më parë se lideri demokrat po e tërheq zvarrë PD drejt humnerës vetëm për interesa personale.
Ndërkohë Basha u përgjigj sot gjatë konferencës duke thënë se është ulur shumë herë me Berishën për një zgjidhje që e ndimonte atë dhe nuk dëmtonte partinë.
“Unë jam vetëm peng i Zotit dhe i askujt tjetër. Zotit i kam hyrë në hak por sali Berishës jo. jam ulur shumë herë me Sali Berishën për një zgjidhje që e ndihmonte atë dhe nuk dëmtonte Partinë Demokratike.
Kur vendimin se betejën do ta bënte vetëm nuk e konkretizoi me vepra atëherë unë kam marrë vendimin që ishte në radhë të parë në interes të PD por mbi të gjitha në interes të Shqipërisë. Një person që ka marrë një parti peng vetëm për interesa personale. Para 2 muajsh nuk kishte asnjë problem me mua tani unë jam i keqi.
Çfarë ka ndryshuar nga zgjedhjet e kaluara që ne patëm në parti përveç interesit personal të një individi që përpiqet të tërheqë një parti të tërë në greminë. Unë nuk i jam përgjigjur sepse nuk është stili im, rruga ime, por mbi të gjitha nuk i shërben vendit”, ka nënvizuar Basha.
