Ndodhi në Lushnje/ Dhunoi tregtarin pak ditë më parë, pezullohet efektivi i Policisë

Pezullohet nga detyra efektivi i Komisariatit të Lushnjes për shkak të dhunës së  ushtruar ndaj tregtarit Amarildo Hoxha.

SHÇBA ka njoftuar ditën e sotme se ka ekzekutuar vendimin e Gjykatës së Lushnjes për pezullullim nga puna të Inspektorit me iniciale B.Sh dhe ka vendosur masën detyrim paraqitje.

Të dielën e kaluar inspektori ka dhunuar tregtarin Hoxha në vendin e quajtur “Rotondo e Savrës” në Lushnje.

Tregtari Amarildo Hoxha foli për mediat, ku rrëfeu dhunën që dy punonjës policie kanë ushtrur ndaj tij në aksin Fier -Lushnje. Hoxha ka treguar se nuk ka bërë asnjë rezistencë ndaj punonjësve të policisë, dhe i vetmi urdhër i tyre që ai nuk ka pranuar, është dorëzimi i telefonit, që në ato momente ishte vënë në pjesën e kroskotit për të xhiruar.

Ai thotë se njëri prej policëve e ka qëlluar në kokë me telefon dhe me tabelë, ndërkohë që nuk kishin as numër identifikimi në uniformat e tyre.
Për ngjarjen foli më herët në Fax Neës dhe bashkëshortja e Hoxhës, e cila tha se burri i saj çdo ditë udhëtonte natën, për të marrë furnizime për dyqanin e tyre me fruta perime që ndodhet në qytetin e Elbasanit.

NJOFTIMI ZYRTAR I POLICISE:
Lushnje – Pezullohet punonjësi i Policisë për veprime arbitrare

SHÇBA në bashkëpunim me Prokurorinë Pranë Gjykatës së Shkallës së Parë Lushnje, më datë 28.10.2021 ka ekzekutuar vendimin penal të Gjykatës së Shkallës së Parë Lushnje, e cila ka caktuar masën e sigurimit personal “Detyrim për t’u paraqitur në policinë gjyqësore” dhe “Pezullim i ushtrimit të një detyre a shërbimi publik” ndaj punonjësit të policisë në Komisariatin e Policisë Lushnje, Inspektor B.SH.

Hetimi në bashkëpunim të ngushtë dhe nën drejtimin e Prokurorisë së Rrethit Gjyqësor Lushnje për veprën penale “Kryerje e veprimeve arbitrare”, parashikuar nga neni 250 i Kodit Penal, pas ankesës së shtetasit A.H., i cili ka deklaruar se është dhunuar nga punonjës policie në vendin e quajtur “Rotondo e Savrës”, Lushnje.

Hetimet po vijojnë.

SHÇBA mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit duke telefonuar në numrin e gjelbër 0800 90 90.