LIGJET E BIZNESIT
Kryeministrja serbe Ana Bërnabiç ka deklaruar se beson në faktin që një marrëveshje historike mes Kosovës dhe Serbisë është ende e mundur.
Por sipas saj për këtë duhen udhëheqës të guximshëm dhe me vizion.
Ajo shprehet se si kryeministre, nuk do ta nënshkruante njohjen e pavarësinë e Kosovës.
Mediat vendase raportojnë se këtë deklaratë kryeministrja serbe kur u pyet nga gazetarët, nëse do të nënshkruante njohjen e pavarësisë së Kosovës, duke u përgjigj shkurt: “Jo”.
Siç shpjegoi Bërnabiç, “në këtë fazë, BE dhe SHBA nuk kanë thënë se nuk ka anëtarësim në BE pa njohjen e Kosovës, por se nuk ka anëtarësim pa një zgjidhje afatgjatë të çështjes së Kosovës”.
Bërnabiç theksoi se Serbia është e angazhuar për zgjidhjen e konfliktit të ngrirë dhe se “interesi i vendit tonë është paqja dhe stabiliteti, si dhe anëtarësimi në Bashkimin Evropian”.
“Gjetja e një kompromisi që do të siguronte paqe dhe stabilitet të qëndrueshëm dhe rruga jonë evropiane janë në interesin e Serbisë, sepse ato do të sigurojnë që ne të vazhdojmë të forcohemi ekonomikisht”, tha kryeministrja e Serbisë.
Ajo vlerësoi se në Prishtinë nuk ka udhëheqës me vizion dhe guxim. “Është e mundur që ne të humbasim shansin historik për shkak të kësaj, i cili nuk do të na shfaqet përsëri për një kohë të gjatë. Megjithatë shpresoj se nuk do të ndodhë”, tha Bërnabiç.
