“Më fal që nuk të ndihmova” Humbi vëllain nga virusi, rrëqeth motra e Kosta Grillos: Lutesha për natë, na ke lënë shurdh

Familja e gazetarit sportiv Kosta Grillo është mbuluar nga dhimbja, pas ndarjes së tij nga jeta.

Motra e tij, Ani e kujton me një mesazh që e mbush me fjalë rrëqethëse nga dashuria e madhe për vëllain.

Teksa kujton 55 ditët e torturës në shtratin e spitalit, ajo tregon se si çdo ditë i jepte kurajo dhe forcë gazetarit se do e kalonte të gjithë këtë dhe do të kthehej sa më shpejt në shtëpi.  Ani Grillo shprehet se me ikjen e tij tani ajo ka mbetur vetëm.

“Mami te mori me vete se te kishte piken e dobet i dashur Kosta. Nuk e kisha menduar kurre qe do ndaheshim kaq shpejt. Shikoja endra me sy hapur se si do ti ngrysnim ditet e netet bashke në te ardhmen.

Te kisha premtuar qe do iknim bashke nga ky spital ku te solla me duart e mia me shprese se do ja dilnim. 55 dite perpjekje. Nuk e mbajta fjalen e tani me ke lene vetem me kujtimet e atyre oreve e diteve qe kaluam bashke. Kur do ikim me pyesje cdo dite, Kur? Nuk po me sherojne o Ani.  E une besoja qe ti do ja dilje mbane, sepse njerzit si ty me ate zemer e shpirt te gjere, me ate zgjuarsi e humor jane te rralle ne kete toke. Forca te thoja, je Himariot kockeforte e nuk dorezohesh ti, do ja dalim e do ikim. Cdo dite, cdo dite te njejtat fjale.

Forca, je i forte, me buzeqesh e ti me buzeqeshje e me shikoje thelle në sy sikur doje te vertetoje fjalet e mia. Na presin te gjithe te thoja, djemte e miqte qe luteshin per ty per nje sherim sa me te shpejte.  Cfare te them tani? Me fal qe nuk te ndihmova ashtu si te kisha premtuar qe do ktheheshim bashke ne Tirane me kembet tona? Do kthehemi por me nje ndryshim kembet do ti mbajme ne Vuno, tek mami e babi. O Kostë te thoja, hajde se do sherohesh e do ta kujtojme si nje ender te keqe. Na ke lene shurdh. Nuk qeshim e as nuk flasim pa u ber mir ti. Leviz o ma lutesha per nate. Eja te ndihmosh e te sherosh djalin. Ma more njeriun e vetem qe me kishte mbetur. Ma more vellain me keni lene vetem!”, shkruan ajo.

Gazetari dhe komentatori sportiv Kosta Grillo ka ndërruar jetë në moshën 59-vjeçare pas një beteje të gjatë me Covid 19.

Ai u infektua nga virusi në gusht të këtij viti dhe pas trajtimit në një spital privat në Shqipëri, me 12 gusht ai u nis për trajtim të specializuar drejt Turqisë pasi gjendja e tij u përkeqësua.