“Mbushen plot spitalet” Autoritetet shëndetësore në alarm: Një virus respirator po bën “namin”

Autoritetet shëndetësore në Itali janë vënë në alarm për shkak të një virusi që godet rrugët e frymëmarrjes dhe prek foshnjat.

Repartet në spitalet pediatrike janë mbushur plot, dhe po ashtu terapitë intensive për të porsalindurit.

Mjekët thonë se janë shtuar shumë rastet e bronshiteve dhe pneumonive, të cilat duket se janë shkaktuar pikërisht nga virusi në fjalë.

Infeksione të tilla konsiderohen përgjegjëse për gati 5% të vdekjeve tek fëmijët nën moshën 5 vjeç në të gjithë botën.

Pandemia e Covid 19 kishte bërë që problemet e kësaj natyre të zbrisnin në një minimum historik, por tani po shfaqen sërish. Fabio Midulla, president i Shoqatës Italiane për Sëmundjet respiratore tek të miturit, thotë se ky lloj virusi nënvlerësohet shumë.

Tek fëmijët pak më të rritur, ai mund të kalojë me simptoma më të lehta si rinofaringite, temperaturë e kollë ndërsa tek të porsalindurit, situata mund të jetë më shqetësuese, duke sjellë edhe bronshite të rënda.

Kundër këtij lloj virusi nuk ka aktualisht vaksinë, por Pfizer ka njoftuar së fundi se një studim i tij për sëmundjen në fjalë është tashmë në fazën 3 dhe ka hyrë në procedurë aprovimi të përshpejtuar nga FDA në SHBA.