Mbledhja e dy qeverive Kosovë-Shqipëri/ Rama miraton krijimin e Sekretariatit Koordinues Ndërqeveritar

Këshilli i ministrave ka miratuar sot krijimin një Sekretariati Koordinues Ndërqeveritar, disa javë para mbledhjes së përbashkët të dy qeverive Kosovë-Shqipëri.

Krijimi i këtij Sekretariati është njoftuar edhe nga kryeministri i Kosovës, Albin Kurti, rreth një muaj më parë, kur kreu i qeverisë shqiptare Edi Rama vizitoi Kosovën.

Vendimi i qeverise

MIRATIMIN, NË PARIM, TË PROTOKOLLIT TË BASHKËPUNIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISE DHE QEVERISË SË REPUBLIKËS SË KOSOVËS, PËR KRIJIMIN E SEKRETARIATIT KOORDINUES NDËRQEVERITAR

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit për Evropën dhe Punët e Jashtme, Këshilli i Ministrave

V E N D O S I:

Miratimin, në parim, të protokollit të bashkëpunimit, ndërmjet Këshillit të Ministrave të Republikës së Shqipërisë dhe qeverisë së Republikës së Kosovës, për krijimin e Sekretariatit Koordinues Ndërqeveritar, sipas tekstit që i bashkëlidhet këtij vendimi.

Ky vendim hyn në fuqi menjëherë.