Shpallet gjendja e emergjencës për shkak të thatësirës në Kaliforni.
Guvernatori Gavin Newsom i ka bërë thirrje banorëve të zonës që të bëjnë më shumë kujdes për të ruajtur ujin përballë një prej thatësirave më të këqija të regjistruara ndonjëherë në këtë shtet.
“Ndërsa shtetet në perëndim të SHBA-së përballen me vitin e tretë potencial të thatësirës, është e domosdoshme që kalifornianët në të gjithë shtetin të dyfishojnë përpjekjet tona për të kursyer ujë në çdo mënyrë të mundshme’’, theksoi Newsom.
Ndërsa shumica e 58 qarqeve të Kalifornisë kanë qenë në gjendje emergjence të thatësirës që nga korriku, shpallja e Newsom shtoi edhe tetë qarqet e fundit të mbetura dhe bëri apel që qytetarët të zvogëlojnë vullnetarisht përdorimin e ujit me 15%.
Deklarata vjen kur zyrtarët shtetërorë të ujit njoftuan se banorët e Kalifornisë e ulën konsumin e ujit me 5 për qind në gusht, një përmirësim modest nga korriku, kur shteti e ndërpreu përdorimin e tyre me 1,8 për qind..
Tetë qarqet e shtuara në deklaratën e urgjencës përfshijnë qarqet e Los Anxhelesit dhe Oranges si dhe pjesën tjetër të Kalifornisë Jugore dhe San Franciskos.
