“Kur ai flet, unë fle gjumë” Tha se do ta padiste në SPAK, kreu i OSHEE i përgjigjet Bashës

Kreu i “OSHEE Group” Adrian Çela e ka injoruar paralajmërimin e liderit demokrat Lulzim Basha se PD do të dërgojë në SPAK çështjen e krizës energjitike të paralajmëruar në Shqipëri.

Ai tha se nuk ka asnjë koment për këtë, duke u shprehur se kur kryedemokrati flet, zgjedh që ta injorojë.

Po ashtu, Çela shtoi se vendi ynë duhet të importojë energji pasi nuk ka shira për të patur prodhim.

“Nuk kam asnjë koment. Kur flet Basha unë fle gjumë. Janë as në qiell, as në tokë. Duhet të biem dakord nëse vendet e tjera po përjetojnë krizë energjitike? Arsyet e kësaj krize janë shpjeguar. Ne energjinë e prodhojmë hidro por kjo nuk do të thotë që nuk jemi vend importues. Ne kemi importuar çdo vit në periudha të ndryshme. Nga vjeshta deri kur rifillojnë reshjet, nëse rifillojnë, ne importojmë. Deri në 31/12 do të jemi në nivelin minimal të importit. Nëse nuk do të kemi reshje, do e marrim nga importi. Kjo impakton në çmim”, tha Ardjan Çela në “Open”.