Pas vrasjes së oficerit të krimeve Saimir Hoxha në Lezhë, ka reaguar dhe ish-deputeti i opozitës së re Lefter Maliqi.
Ai shprehet se do të ketë krime në vazhdim, pasi sipas tij mandati i tretë është marrë në bashkëpunim me banditë.
“Nuk është ndonjë çudi, për situatën e rëndë politike, ekonomike, kriminale në të cilën ndodhet vendi. Çdo qeveri merr pushtetin duke përdorur, forcën, bandat, krimin paratë e drogës, presionet, dhe në këtë mënyrë sigurisht që kriminalitet t ka pasur dhe do të ketë.
Nuk kanë ça presin shqiptarët, do të ketë dhe ngjarje të tjera sepse mandati i tretë pavarësisht veprimeve të kampit të djathtë për marrëveshje të fshehtë me Kryeministrin zaptues të gjithë institucioneve, u mor në bashkëpunim me banditë kriminelë”, tha ai për Ora News.
